Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанга Төрекмәнстан сәнәгать һәм төзелеш производствосы министры килде
«Казан» халыкара аэропортында кунакны ТР Премьер-министры Алексей Песошин каршы алды.
(Казан, 17 февраль, «Татар-информ»). Бүген Татарстанга эш сәфәре белән Төрекмәнстан сәнәгать һәм төзелеш производствосы министры Сердар Бердымөхәммәдов килде. Бу хакта ТР Президентының матбугат хезмәте хәбәр итә.
«Казан» халыкара аэропортында кунакны ТР Премьер-министры Алексей Песошин каршы алды.
Сердар Бердымөхәммәдов Татарстанга сәфәре барышында Казан Кремлендә булып, анда ТР Президенты Рөстәм Миңнеханов белән очрашырга ниятли. ТР Инвестицион үсеш агентлыгында республиканың икътисади потенциалын тәкъдим итү, «Иннополис» махсус икътисади зонасы эшчәнлеге һәм Иннополис шәһәренең үсеш перспективалары белән танышу күздә тотыла.
Кунакка шулай ук «Химград» технополисын тәкъдим итәчәкләр, биредә технополис резидентлары җитештергән продукция күргәзмәсе узачак.
Казанда Сердар Бердымөхәммәдов катнашында ТР Премьер-министры урынбасары — сәнәгать һәм сәүдә министры Альберт Кәримов җитәкчелегендә Татарстан министрлыклары һәм предприятиеләре вәкилләре белән түгәрәк өстәл үткәреләчәк.
Сердар Бердымөхәммәдовның Татарстанга сәфәре 17сеннән 18 февральгә кадәр дәвам итәчәк.
Кызыклы яңалыкларны күзәтеп бару өчен Телеграм-каналга язылыгыз