Үзбәкстанның Казандагы Генконсуллыгы үз ватандашларына эш табарга ярдәм итәчәк

Татарстанда яшәүче Үзбәкстан гражданнарын эшкә Тышкы хезмәт миграциясе агентлыгы линиясе буенча урнаштырачаклар.

(Казан, 13 июнь, «Татар-информ», Диана Авакян). Үзбәкстанның Казандагы Генконсуллыгы үз ватандашларына эш табарга ярдәм итәчәк. Бу хакта «Татар-информ» агентлыгына консуллык учреждениесе башлыгы Фәриддин Насриев хәбәр итте.

«Бездә Үзбәкстан Республикасы Мәшгульлек һәм хезмәт мөнәсәбәтләре министрлыгы каршында Тышкы хезмәт миграциясе агентлыгы бар. Хәзерге вакытта без Үзбәкстаннан килгән гражданнарны эшкә урнаштыру белән кызыксынган потенциаль компанияләр һәм фирмалар эзлибез», - дип искәртте ул.

«Без хезмәттәшлеккә әзер», - диде Генераль консул.