Балтач җирендә төбәкара хәләл ярминкә була

Анда ил эшкуарлары җыела

 (Казан, 10 сентябрь, “Татар-информ”). 13 нче сентябрьдә иртәнге сәгать 10.00 нан көндезге сәгать 3 кә (15.00) кадәр Балтачта хәләл ярминкә узачак.  Анда Татарстан җитештерүчеләре белән бергә Россия Федерациясендә эшләп килүче эшкуарлар җыела. Хәләл ризык җитештерүчеләр биредә үз товарларын тәкьдим итәчәкләр.

Ризыкны сатып алганчы, татып карау мөмкинлеге дә тудырыла. Тагын шунысы хак: бәяләр кибетләргә караганда түбән. Бер үк вакытта халык һөнәрчеләре үзләренең милли хәзинәләрен халыкка тәкьдим итәчәк.

13е көнне Балтачның Полевая урамы, 1 нче йорт адресы буенча ”Балтач” Хәләл Индустриаль Паркында көтәлөр, дип хәбәр итә “Хезмәт” басмасы.