Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин БДБ илләреннән кертелә торган авыл хуҗалыгы продукциясен арттырырга кушты
Президент Федераль монополиягә каршы хезмәтенә сәүдә челтәрләре аша азык-төлеккә бәя куюның даими мониторингын тәэмин итүне йөкләде.
(Казан, 9 август, «Татар-информ»). РФ Президенты Владимир Путин Хөкүмәт әгъзалары белән киңәшмә нәтиҗәләре буенча азык-төлек товарлары бәясен тотрыкландыру өчен Бәйсез дәүләтләр берлеге илләреннән кертелә торган авыл хуҗалыгы продукциясе күләмен арттыру бурычын куйды. Йөкләмә Кремль сайтында чыкты.
«Россия Федерациясе Хөкүмәтенә азык-төлек товарларына бәяләрне тотрыклыландыру чараларын уздыру барышында Бәйсез дәүләтләр берлеге дәүләтләреннән РФ территориясенә авыл хуҗалыгы продукциясен кертү күләмен арттыруга юнәлдерелгән чаралар күрергә», диелә документта.
РФ Премьер-министры Михаил Мишустин җаваплы итеп билгеләнде, ул 2021 елның 1 сентябренә кадәр беренче хисапны тәкъдим итәргә тиеш.
Президент шулай ук Федераль монополиягә каршы хезмәтенә сәүдә челтәрләре аша азык-төлеккә бәя куюның даими мониторингын тәэмин итүне йөкләде.
Кызыклы яңалыкларны күзәтеп бару өчен Телеграм-каналга язылыгыз