КАМАЗ пилотсыз йөк автомобиленә патент алды
Предприятиенең иҗат җимеше йөк автомобиленә таш түшәлмәгән юллардан гына түгел, гомуми файдаланудагы юллардан хәрәкәт иткәндә дә тулысынча үзидарәдән файдаланырга мөмкинлек бирә.
(Казан, 9 июль, «Татар-информ», Диана Авакян). КАМАЗ йөк ташу өчен күп функцияле роботлаштырылган комплекска патент алды. Предприятие Роспатентка 2017 ел башында ук гариза тапшырган иде. Бу хакта ведомствоның матбугат хезмәте хәбәр итә.
Җитештерүчеләр белдергәнчә, предприятиенең иҗат җимеше йөк автомобиленә таш түшәлмәгән юллардан гына түгел, гомуми файдаланудагы юллардан хәрәкәт иткәндә дә тулысынча үзидарәдән файдаланырга мөмкинлек бирә.
Чаллы автогигантының әлеге эшләнмәсе турында тулырак Sntat.ru сайтында укырга мөмкин.
2018 елда Казанда узган футбол буенча дөнья чемпионатында предприятие пилотсыз электробусны сынаган иде.