Владимир Путин йортларны өлешләп төзүдән баш тарту өчен өч ел вакыт бирде

Кремль сайтында хөкүмәткә, Үзәк банкка һәм Ипотека торак кредиты агентлыгына йөкләмә басылган.

(Казан, 7 ноябрь, "Татар-информ"). Россия Президенты өлешләп төзү практикасыннан тулаем баш тарту өчен өч ел вакыт биргән. Кремль сайтында хөкүмәткә, Үзәк банкка һәм Ипотека торак кредиты агентлыгына йөкләмә басылган.

Документта билгеләнгәнчә,  15 декабрьгә кадәр алар гражданнарның төзелеш өчен булган банк кредиты һәм башка финанслау формаларын алмаштыру планын расларга тиешләр. Ягъни, өч елдан соң рисклар өлешчеләр җилкәсенә түгел, ә профессиональ институтларга ятачак.

Алдан хәбәр ителгәнчә, октябрь ахырында Президент хөкүмәт белән бергә узган киңәшмәдә торакны өлешәп төзүдән әкренләп проектлы финанслау механизмына күчүне йөкләгән иде.