Яшелчә һәм җиләк-җимеш очсызлануын дәвам итә

Узган бер атнада кәбестә бәясе тагын 9 процентка, кишернеке-6,6 процентка төште
(Казан, 7 октябрь, “Татар-информ”). Казанда яшелчә һәм җиләк-җимеш арзанаюын дәвам итә. Узган бер атнада кәбестә бәясе тагын 9 процентка, кишернеке-6,6 процентка төшкән. Бәрәңге 4,8 процентка, башлы суган -4,7 процентка, алма-0,2 процентка очсызланган. Башка төр туклану продуктлары арасында катырылган балыкка(1,7 процент), шикәр комына (4,8 процент), йомыркага (0,6 процент) бәяләр төшкән.

Бәяләре сизелерлек күтәрелгән продуктлар арасында 3 төрне атап үтәргә була. Алар - тавык ите, томач һәм казылык.

5 октябрьгә булган мәгълүматларга караганда, Идел бу федераль округына кергән төбәк башкалалары белән чагыштырганда Казанда каймак, сыр, бәрәңге, алма, ярымысланган колбаса, пастеризацияләнгән сөт, йомырка, кәбестә, суган, кишер һәм 1 сортлы бодай оныннан пешерелгән ипигә түбән бәяләр саклана.