Төркия Россиягә сезон арасында 50 мең тоннага кадәр генә помидор кертәчәк

Россия Авыл хуҗалыгы министрлыгы шундый тәкъдим кертә.

(Казан, 4 октябрь, "Татар-информ"). Россия Авыл хуҗалыгы министрлыгы Россиягә елына 50 мең тоннадан артык булмаган күләмдә генә Төркия помидоры кертүне тәкъдим итә. Россия вице-премьеры Аркадий Дворкович әлеге карар 2018 ел башында кабул ителәчәген билгеләп үткән. Бу хакта “Известия” җиткерә.

Алдан Төркиянең икътисад министры Нихат Зайбекчи республиканың 1 октябрьдән Россиягә томат кертә башлаячагын белдергән булган.

Искәртеп үтик, Россия 2016 елның 1 гыйнвареннан Төркиядән керүче авыл хуҗалыгы продукциясен чикләде. Санкцияләр 2015 елның ноябрендә Төркия истребителе Россия Су-24 очкычын юк иткәч кертелде.