Алабугада конвейер роликлары җитештерү заводы ачылды

Производство тулысынча диярлек автоматлаштырылган.

(Казан, 2 ноябрь, «Татар-информ»). Алабугада «Аконит» заводы ачылды. Предприятие «Алабуга» махсус икътисади зонасы территориясендә 34нче булды, дип яза «Яңа Кама» газетасы.

Яңа производствода Европа сыйфатындагы продукция җитештерәләр. Үз эшендә конвейер җиһазларын кулланучы Россия һәм чит ил компанияләре илебез компаниясеннән комплектлаучы әйберләр, шул ук вакытта озак хезмәт итә торган  һәм яхшыртылган техник характеристикасы булган роликлар сатып алачак.

Кеше факторының йогынтысын булдырмас өчен, производство тулысынча диярлек автоматлаштырылган.

Эшкә якынча 15 кеше чыгачак, барлыгы 50-60 эш урыны булдырылган.