Буалы хатын-кыз дару эчеп агуланган

 (Казан, 7 октябрь, “Татар-информ”). Буада “Ашыгыч ярдәм” бүлеге хезмәткәрләре дәваханәгә авыр хәлдәге 1971 елгы хатын-кызны алып киләләр. Медицина тикшерүе аның күп дозада дару препаратлары куллануын күрсәтә. Пациентка тиз арада медицина ярдәме күрсәтелә һәм ул реанимациягә урнаштырыла. Агуланган хатын аңына килгәч, дәваханәдән үзлегеннән китеп барган, дип белдерә район басмасы.