Дин 27 гыйнвар 2023 15:49

Бөтендөнья хиҗаб көненә багышланган конкурс игълан ителә

Скопировать ссылку

Россия Мөфтиләр шурасы Россиянең мөселман хатын-кызлары оешмаларын Бөтендөнья хиҗаб көненә багышланган бәйгедә катнашырга чакыра. Чара Бөтендөнья хиҗаб көненең 10 еллыгы уңаеннан уздырыла.

Конкурста катнашырга теләүчеләргә 2023 елның 3 февраленә кадәр электрон теркәлү формасын тутырырга кирәк. Аңа җавап итеп, заявка һәм конкурста катнашу шартлары җибәреләчәк. Россия Мөфтиләр шурасы сайтында шул турыда әйтелә.

Жюри әгъзалары 6-10 февраль көннәрендә 3 төбәк-җиңүчене сайлап алачак. Бәйгедә җиңгән төбәкләрне 16-17 февральдә Мәскәүгә бүләкләү өчен чакырачаклар.

Оештыру комитеты җиңүче дип табылган төбәктән килгән 2 вәкилнең юл, яшәү, туклану чыгымнарын үз өстенә ала.

Сәхифәләр

Бөтендөнья хиҗаб көненә багышланган конкурс игълан ителә