Бөгелмә мэры өлкән яшьтәге парларга бүләк тапшырды
Скопировать ссылку
Россиядә 1 октябрьдә Халыкара өлкәннәр көнен билгеләп үтәчәкләр. Бу өлкән буын вәкилләренә игътибар итү, кайгырту, ярдәм һәм мәхәббәт күрсәтү мөһимлеген искә төшерә торган көн.
Бу якты көзге бәйрәм алдыннан Бөгелмә мэры Линар Закиров Мусиннар гаиләсен котлады. Мөгаммәр Мөхәммәтгали улына - 88 яшь, Сөмбел Шәмсие кызына - 82 яшь. Алар 56 ел бергә яшиләр. Бу турыда «Бөгелмә авазы» сайтында хәбәр ителә.
Линар Закиров көмеш яшьтәге парларга бүләкләр тапшырды. Алар белән әңгәмә вакытында муниципалитет башлыгы сәламәтлек, яшәү шартлары турында сорады, озын, бәхетле һәм сәламәт гомер теләде.