Сәясәт 29 май 2010 17:22

“Бердәм Россия” партиясенең Генераль советы утырышы 15 июньдә узачак

“Бердәм Россия” партиясенең Генераль советы президиумы тиешле карар кабул итте

Скопировать ссылку

(Казан, 29 май, «Татар-информ»). “Бердәм Россия” партиясенең Генераль советы президиумы 15 июньдә партия Генераль советының чираттагы утырышын чакыру турында карар кабул итте.
Расланган көн тәртибендә партиянең Югары советы рәисе Борис Грызловның илне модернизацияләүдә “Бердәм Россия”партиясенең роле һәм Генераль совет президиумы секретаре Вячеслав Володинның сәсяси системаны үстерү һәм партияара көндәшлекнең үсүе шартларында партия эшенең яңа формалары хакындагы докладлары турында фикер алышулар планлаштырылган.
Искәртеп узабыз, партия уставы нигезендә Генераль совет партия программасы һәм сайлау алды программасының үтәлешен тәэмин итә; илнең иҗтимагый-сәяси тормышындагы Россия җәмгыятендә “Бердәм Россия” партиясенең йогынтысын үстерү һәм абруен ныгытуга юнәлдерелгән иң әһәмиятле мәсьәләләр буенча белдерүләр кабул итә.

Сәхифәләр

“Бердәм Россия” партиясенең Генераль советы утырышы 15 июньдә узачак