Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Баулы укучылары маскировкалау челтәрләре үрергә ярдәм итә
Украинада махсус операция башланганнан бирле, Баулы халкы да мобилизацияләнгәннәргә кулларыннан килгәнчә ярдәм итәргә тырыша. Алар арасында өлкәннәр дә, мәктәп укучылары да бар. Шушы көннәрдә Баулының дүртенче гимназиясе укучылары да маскировкалау челтәрләре үрергә ярдәм итте.
Җиденче сыйныф укучылары гимназия директорының тәрбия эшләре буенча урынбасары Илфира Гыйбадуллина җитәкчелегендә маскировкалау челтәре үрү эшләрендә катнашты. Укучылар бердәм көч белән тасмалар әзерләде һәм аны өлкәннәр үрнәгендә үрде. Бу хакта «Баулы-информ» хәбәр итә.
«Мин үземнең ярдәм итә алуыма сөенеп килдем. Кыен түгел. Ничек өйрәттеләр, шулай эшләргә тырышам», – ди җиденче сыйныф укучысы Нәфисә Сәйфуллина.
«Бүгенге көндә һәр кешегә авыр. Без дә кулдан килгәнчә үз өлешебезне кертергә тиешбез. Тасмалар кисәргә дә, аларны үреп бару да алай ук авыр эш түгел», – дип сөйләде Индира Шәрәфетдинова.
Кызыклы яңалыкларны күзәтеп бару өчен Телеграм-каналга язылыгыз