Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
^Батырлар көрәштә сынала
^Батырлар көрәштә сынала
(Казан, 4 ноябрь, «Татар-информ», Сөләйман Нәҗми). Республикабыз Сабантуй мәйданнарында һәм төрле спорт чараларында батыр калган пәһлеваннар 11-12 нче ноябрь көннәрендә Казанның «Баскетхол» сараена җыела. Биредә татар-башкорт көрәше буенча республика беренчелеге узачак.
60 нчы елларда ук башланып киткән әлеге турнир шактый кызыклы тарихка ия. Һәм ул иң дәрәҗәле ярыш төренә әйләнде. Биредә һәркем катнаша ала. Сабантуй батырлары, төрле җәмгыятьләрнең ярышларында җиңүчеләр—барысы да әлеге бәйгегә кертелә. Рөстәм Мухамов, Айрат Гыйлаев, Айдар Хәйретдинов, Ильяс Галимов кебек көрәш пәһлеваннары нәкъ менә әлеге турнирларда җиңү яулап танылдылар да инде.
Татар-башкорт көрәш федерациясеннән хәбәр итүләренчә, быелгы ярышлар 9 авырлык үлчәвендә узачак. Җиңүчеләрне башка еллардан үзенчәлекле булган бүләкләр көтә. Федерация җитәкчелеге алар һәм ярышның кызыклы тарихы хакында «Татар-информ» агентлыгында узачак матбугат конференциясендә сөйләргә җыена.
Кызыклы яңалыкларны күзәтеп бару өчен Телеграм-каналга язылыгыз