Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда композитор Рим Хәсәновның 75 яшьлек юбилеен билгеләп үтәчәкләр
Башкортстанда күренекле композитор, Башкортстанның халык артисты Рим Хәсәновның 75 яшьлек юбилеен билгеләп үтәчәкләр. Шундый карарны республика Башлыгы имзалаган. Бу турыда «Башинформ» яза.
Карарда язылганча, чаралар 2022 елда узачак. Формалаштырылган чаралар планын оештыру комитеты утырышында расларга кирәк, дип хәбәр иткән Башкортстан Мәдәният министрлыгының һөнәри сәнгать бүлеге җитәкчесе Зиннур Сөләйманов.
Рим Хәсәнов юбилеена багышланган концертларны Башкортстан дәүләт филармониясендә, Уфа сәнгать училищесында, шәһәр Мәдәният сараенда үткәрергә җыеналар. Заһир Исмәгыйлев исемендәге Уфа дәүләт сәнгать институты Рим Хәсәнов әсәрләренә багышланган фәнни-гамәли конференция оештырачак.
Шулай ук «Родина» кинотеатрында «Всадник на золотом коне» фильмын күрсәтергә ниятлиләр. Фильмга музыканы Рим Хәсәнов Ю.Якушев белән бергә язган. Чаралар исемлегендә Рим Хәсәнов исемендәге призга «Кышкы романс» актерлык җыры конкурсын уздыру да күздә тотыла.
Композиторның кече ватаны Благовар районында композитор Рим Хәсәновның «Чәчкәләр уяныр» дип аталган III ачык район фестиваль-бәйгесе узачак. Композиторның 75 яшьлек юбилеена багышланган бәйрәм концерты «Башкортстан» дәүләт концертлар залының Зур залында үтәргә тиеш.
Легендар композитор, дүрт йөздән артык җыр, баллада һәм романслар авторы, Уфаның мактаулы гражданины Рим Хәсәновка 75 яшь 2022 елның 9 мартында тулды. Композиторны юбилее белән республика Башлыгы котлады, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз