Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан һәм Үзбәкстан кино күрсәтү өчен фильмнарын алмаша
Башкортстан һәм Үзбәкстан республикалары кино һәм кинопрокат өлкәсендә үзара хезмәттәшлек турында килеште. Бу турыда Башинформ яза.
Хәбәрдә язылганча, ике республика кинематографистларын фильмнарны туган телдә төшерү, милли гореф-гадәтләрне, көнкүрешен һәм менталитетын күрсәтү берләштерә.
«Үзбәкстан киносы һәрвакыт Башкортстанда җылы кабул ителә. Үзбәк фильмнары Уфада уздырыла торган «Көмеш Акбүзат» халыкара кинофестивалендә берничә тапкыр җиңде. Ә Үзбәк киносы көннәре безнең тамашачылар арасында популярлык казанды. Һәм без үзбәк тамашачыларының башкорт киносындагы темаларга һәм сюжетларны ошатып кабул итүенә шатбыз, – дигән Башкортстан Республикасының мәдәният министры Әминә Шәфыйкова Үзбәкстанда узган очрашуда.
Очрашу вакытында Үзбәкстанда башкорт фильмнарын һәм Башкортстан республикасында үзбәк кинокартиналарын күрсәтү турында килешү төзелгән. Шулай ук Ташкентта башкорт киносы һәм Уфада үзбәк киносы көннәрен үткәрү күздә тотыла, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз