Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан вәкиллеге Оренбургка мәдәният көннәренә китте
Башкортстан вәкиллеге Оренбургка мәдәният көннәренә китте
(Уфа, 8 ноябрь, “Татар-информ”, Фәнис Фәтхуллин). Башкортстаннан зур гына вәкиллек бүген Оренбургка сәфәргә китте. Алдагы көннәрдә Оренбург өлкәсендә Башкортстан мәдәнияте көннәре үтәчәк. Башкортстан вәкиллеге шул көннәр кысаларында оештырылачак күп чараларда катнашачак. Башкортстан вәкиллегенә БР Мәдәният һәм милли сәясәт министрлыгы, Башкортстан “Китап” нәшрияты, республика Милли китапханәсе вәкилләре, шулай ук танылган сәнгать осталары керде.
Узган елда Башкортстан Республикасы күрше төбәге Оренбург өлкәсендә үзенең даими вәкилчелеген ачкан иде. Шуннан соң ике арадагы икътисадый хезмәттәшлек кенә түгел, ә милли-мәдәни багланышлар да икенче сулыш алды. Әле Оренбургта үтәчәк Башкортстан мәдәнияте көннәре дә шул вәкилчелек башлангычы белән оештырыла. Мәдәният көннәре кысаларында Башкортстаннан барган кунаклар катнашлыгында бихисап чаралар үткәрү каралган. Күрше өлкәнең мәдәният өчен җаваплы җитәкчеләре белән очрашып сөйләшүләр алып бару мөһим урынны алып тора. Шулай ук Оренбург өлкәсендәге башкортлар һәм татарларның милли-мәдәни оешмаларында, “Кәрвансарай” исемле газетада үтәчәк очрашулар, Башкортстаннан алып барган китаплар күргәзмәсен күрсәтү һәм яңа китаплар сәүдәсен оештыру да әлеге сәфәр программасында каралган.
Кызыклы яңалыкларны күзәтеп бару өчен Телеграм-каналга язылыгыз