Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бүген Россиядә Транспорт полициясе көне билгеләп үтелә
1919 елның 18 февралендә “Тимер юлларны саклау буенча ведомстводан тыш комиссия оештыру турында”гы декрет нәшер ителгән.
(Казан, 18 февраль, «Татар-информ»). 18 февральдә Россиядә Транспорт полициясе көне билгеләп үтелә. Бу - Россия Федерациясе Эчке эшләр министрлыгының транспорттагы тәртип өчен җаваплы бүлекчәсе хезмәткәрләренең рәсми булмаган һөнәри бәйрәме. Бу хакта Calendar.ru Истәлекле көннәр календаре хәбәр итә.
Бу хезмәтнең барлыкка килү тарихын Россиядә тимер юллар салына башлау белән бәйлиләр. 1919 елның 18 февралендә Бөтенроссия үзәк башкарма комитетының “Тимер юлларны саклау буенча ведомстводан тыш комиссия оештыру турында”гы декреты нәшер ителгән. Бу декретны тимер юл транспортын саклау системасын булдыруда беренче документ дияргә була.
Эчке эшләр министрлыгының транспортта Баш идарәсе хезмәткәрләренең бүген дә төп бурычы - тимер юл, һава, диңгез һәм елга транспортларында пассажирлар һәм йөк ташу куркынычсызлыгын тәэмин итү, терроризм, корал, шартлаткыч матдәләр, хәрби кирәк-яраклар һәм наркотиклар таралуга каршы тору.
Кызыклы яңалыкларны күзәтеп бару өчен Телеграм-каналга язылыгыз