Әюпова татарстанлыларны Славян язуы һәм мәдәнияте көне белән котлады
Татарстан мәдәният министры Ирада Әюпова республика халкын Славян язуы һәм мәдәнияте көне белән котлады. Аның бәяләвенчә, бу бәйрәм «безне рухи чыганакларга һәм мәгърифәтнең бөек көченә юнәлтә».
«Россиядә Халыклар бердәмлеге елы дип игълан ителгән 2026 елда бу көн үзенчәлекле яңгыраш ала. Изге Кирилл һәм Мефодий васыять иткән кирилл әлифбасы уникаль байлыкка әверелде, дистәләгән алфавит өчен нигез булып хезмәт итте һәм төрле традицияләр һәм конфессияләр вәкилләрен бердәм мәдәни код белән беркетте», – дип белдерде ТР Мәдәният министрлыгы башлыгы.
Ф.М. Достоевскийның күзәтүен искә алып, Әюпова Татарстанда 175 тән артык халык вәкиленең тынычлыкта яшәвен һәм эшләвен искәртте. «Безнең көч – туган телгә сакчыл мөнәсәбәттә, мәдәниятләрне үзара хөрмәт итүдә һәм ихлас, тигез хокуклы диалог алып бара белүдә», – дип ассызыклады ул.