Авыл хуҗалыгы министры кайбер продукциягә бәя артуына аңлатма бирде

«Санкцияләр белән бәйле вазгыять шактый киеренке. Товар төргәкләре, каплары, кайбер чимал башка илләрдән кертелә. Барлык диярлек төр продукциянең үзкыйммәте артты», — диде министр.

Скопировать ссылку

(Казан, 25 март, «Татар-информ», Гөлнар Гарифуллина). Татарстан вице-премьеры — авыл хуҗалыгы һәм азык-төлек министры Марат Җәббаров кайбер продукциягә бәя артуына аңлатма бирде.

«Санкцияләр белән бәйле вазгыять шактый киеренке. Товар төргәкләре, каплары, кайбер чимал башка илләрдән кертелә. Барлык диярлек төр продукциянең үзкыйммәте артты. Продукция белән тәэмин итүчеләрне эзлибез», — диде министр.

Әйтик, сөтне дә капка салмыйча сатып булмый. Шулай ук сөт продукциясенең маркировкасы да кыйммәтләнгән, чөнки контроль һәм учет өчен өстәмә җиһаз алырга туры килгән. «Фальсификатны контрольдә тоту ягыннан бу кирәк, ләкин шуның хисабына үзкыйммәте артты», — диде Марат Җәббаров.

Министр икмәк продукциясенә дә аерым бер ингридиентлар башка илләрдән кертелгәнен әйтте. «Компанияләр бу сорауны хәл итү юлларын эзли, Россиядә дә аналоглар бар. Безнең белән дустанә мөнәсәбәттәге илләр дә бар. Җитмәгән материаллар башка җирдән эзләнә», — дип белдерде.

Сәхифәләр

Авыл хуҗалыгы министры кайбер продукциягә бәя артуына аңлатма бирде