news_header_top_970_100
news_header_bot_970_100

Автоинспекторлар каны агудан туктамаган балага хастаханәгә барып җитәргә булышкан

М7 трассасының 808 нче километрында ЮХИДИ инспекторлары Роман Әсхәдуллин, Илназ Шәвәлиев һәм Адел Хисмәтуллинга кулына ике яшьлек бала тоткан хатын-кыз мөрәҗәгать иткән.

Ул полиция хезмәткәрләренә баласының авылда базга егылып төшеп җәрәхәтләнүен әйтә. Бала аңында була, әмма ярадан кан агып торган. Татарстан буенча Эчке эшләр министрлыгының матбугат хезмәтендә шул турыда сөйләделәр.

Автоинспекторлар шунда ук кизү торучыга бу хәл турында хәбәр итә һәм бала белән ананы утыртып хастаханәгә китә. Урынга хезмәт машинасында сирена һәм мигалкалар кушып барып җитәләр. Баланы табибларга тапшырганнан соң, алар үз эшләрен дәвам итте, дип белдерделәр матбугат хезмәтендә.

news_right_column_1_240_400
news_right_column_2_240_400
news_bot_970_100