Кар чистартуны кыенлаштырган автомобильләр эвакуацияләнәчәк

Республика ЮХИДИ идарәсе казанлыларга мөрәҗәгать белән чыкты

(Казан, 30 декабрь, “Татар-информ”). Казан урамнарын кардан арындыру эшләре дәвам иттерелә. Шул уңайдан ТР буенча Эчке эшләр министрлыгының ЮХИДИ идарәсе казанлыларга мөрәҗәгать белән чыкты.

“Хөрмәтле казанлылар! Дәүләт автоинспекциясе транспорт чараларыгызны юл буенда калдырмавыгызны үтенә, чөнки автотранспорт кар чистарту техникасының эшендә комачауларга мөмкин. Кар чистартуны кыенлаштырган автомобильләр эвакуацияләнәчәк”, - диелә республика ЮХИДИ идарәсеннән алынган игълан-мөрәҗәгатьтә.