news_header_top
16+
news_header_bot
news_top

Апасның Иске Әнәле авылыннан Сәкинә әби Сәләхетдинова 90 яшьлеген каршы алды

Сәкинә әби бүгенге көндә Кайбыч районы картлар йортында тәрбияләнә.

(Казан,3 гыйнвар, "Татар-информ", "Йолдыз"). Апас районы Иске Әнәле авылыннан Сәкинә әби Сәләхетдинова 90 яшьлеген каршы алган. Бу хакта җирле басма яза.
Сәкинә әби бүгенге көндә Кайбыч районы картлар йортында тәрбияләнә.
"Биредә бик әйбәт, җылы, чиста, тәмле ашаталар. Рәхмәт барысына да", - ди ул.
Район башлыгы Марат Нуриев, Апас җирлеге вәкиле Андрей Клементьев юбилярны кайнар котлап Россия Президентының Котлау хатын, район башлыгы исеменнән чәчәк бәйләме, бүләген тапшырды. Картлар йорты җитәкчесе Фәнис Гыйниятуллин кунакларны каршы алып яшәү шартлары белән таныштырды. Сәкинә әби олы рәхмәтләрен җиткереп, туган авылы халкына сәламнәрен җибәреп, озатып калды.
 

news_right_1
news_right_2
news_bot