Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Америка фигуралы шуучысы Камилә Вәлиеваны Олимпиада медален озак көтүдә гаепләде
Америка фигуралы шуучысы Алекса Книрим 2022 елгы Олимпия чемпионы Камилә Вәлиеваның белдерүен шәрехләде. Камилә Россия җыелмасының барлык халыкара турнирлардан читләштерелүенә карата канәгатьсезлек белдергән иде.
«Кызганыч, миңа үземнең Олимпия медалемне әле һаман көтәргә туры килә», - дип язган фигуралы шуучы социаль челтәрдә.
Шунысын да искәртик: Халыкара Олимпия комитеты Вәлиеваның допинг куллану ихтималы турындагы эш төгәлләнгәнче команда турнирында Олимпиада медальләрен тапшырмаска карар кылган иде. Россия җыелмасы ярышларда – беренче, АКШ икенче урынны яулады.
Вәлиеваның пробасына бәйле җәнҗал аркасында Олимпиадада фигуралы шуучыларны бүләкләмәделәр, спортчыларга медальләр Камилә эше буенча тикшерү төгәлләнгәннән соң тапшырылачак, дип игълан иттеләр. Ярышларның нәтиҗәләрен рәсми рәвештә танымадылар. Хәзерге вакытта әлеге эшне тикшерү дәвам итә.
Кызыклы яңалыкларны күзәтеп бару өчен Телеграм-каналга язылыгыз