Әлмәттә хәйрия фестивале була
Скопировать ссылку
Әлмәттә 8-10 декабрьдә драма театры бинасында «Снежность» ХІХ балалар хәйрия театраль фестивале узачак. Чара эшмәкәр һәм меценат Андрей Комаров ярдәме белән үткәрелә.
Быел фестиваль җиде шәһәрдә уза: Первоуральск, Екатеринбург, Чиләбе, Озерск, Әлмәт, һәм беренче тапкыр – Ижевск һәм Петропавловск-Камчаткада. Бу хакта «Әлмәт таңнары» сайтында хәбәр ителә.
Әлмәт сәхнәсендә Мәскәү курчак театры, Чаллы татар драма театры һәм Ульяновск курчак театры чыгыш ясаячак.
Бүген, 8 декабрьдә балалар нәшриятлары катнашында китап ярминкәсе узачак.