Алабугага Казан ягыннан керү юлында яңа стела урнаштырачаклар
Скопировать ссылку
Алабугага Казан ягыннан керү юлында, Мамадыштан соң, яңа стеланы монтажлау башланды. Бу хакта «Алабуга нуры» газетасы яза.
Хәзер биредә эш алып барыла — төзүчеләр фундамент әзерли.
Урнаштыруны ноябрь ахырына төгәлләү планлаштырыла. Яңа стела архитектур яктырту белән 11 метр биеклектәге масштаблы конструкциядән гыйбарәт булачак.
Район җитәкчелегенең планнарында — керү төркемнәрен комплекслы яңарту. Киләсе елда Яр Чаллыдан керү урынындагы стеланы модернизацияләү эшләре дә планлаштырылган, диелә хәбәрдә.