Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Актанышның Кәзкәй авылындагы кадет-интернат мәктәбе базасында спорт лагеры эшли башлады
Актанышның «Бүләк» ял һәм сәламәтләндерү лагеры белән беррәттән шушы көннәрдә Кәзкәй авылындагы кадет-интернат мәктәбендә сәламәт яшәү рәвешенә һәм физкультурага тартылган спортчы егетләр һәм кызлар өчен спорт лагеры эшли башлады.
Спорт юнәлешендәге лагерьга татарча көрәш, бадминтон, теннис, волейбол, баскетбол, волейбол, футбол, җиңел атлетика, дзюдо белән шөгыльләнүче егетләр һәм кызлар җыелды. Бу турыда «Актаныш таңнары» сайтында хәбәр ителә.
Төшке аш вакытына кадәр һәр юнәлеш буенча тренировкалар оештырыла. Балалар әйдаманнар озатуында автобус белән Актанышка килә, аларны биредәге спорт мәйданчыкларында тренерлар көтеп ала һәм дәресләрдә күнекмәләр уздыра.
Төшке аштан соң лагерьда отрядлар арасында спорт уеннары башлана. Укучылар «Дулкын» бассейнына йөзәргә дә йөриләр. Кичен мәдәни күңел ачу чаралары үткәрелә.
Спорт лагеры 1 августтан 18 августка кадәр эшли.
Лагерьны ачу тантанасына район җитәкчесе Ленар Зарипов та килде. Укучыларның ялын оештыру дәрәҗәсе белән танышты.
Кызыклы яңалыкларны күзәтеп бару өчен Телеграм-каналга язылыгыз