«Актаныш-информ»ның яңартылган бинасы 10 февральдә тантаналы төстә ачылачак
Актаныш муниципаль районы башлыгы Ленар Зарипов һәм «ТАТМЕДИА» АҖ башкарма директоры Нияз Гәрәев «Актаныш-информ»ның яңартылган бинасы, белгечләрнең эш шартлары белән танышты.
Бинаны 10 февральдә тантаналы төстә ачу планлаштырыла. Җитәкчеләр әлеге чара уңаеннан үзара киңәшләшеп, башка мәсьәләләр турында да сөйләшүләр алып барды. Бу хакта «Актаныш-информ» хәбәр итә.
«Мондый яхшы эш шартларын булдырган өчен Татарстан Президенты Рөстәм Миңнехановка, төзекләндерүне һәрвакыт үзенең ныклы контроленә алып, эш барышын күзәтеп, киңәшләре белән ярдәм итеп торган район башлыгы Ленар Зариповка рәхмәт», диелгән хәбәрдә.
Районның рәсми мәгълүмат үзәге булган «Актаныш-информ» бинасына 2022 елда заманча төзекләндерү үткәрелде.