Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Айзатуллин: Җәмигъ мәчетен проектлау әле башланмаган
Казанда төзелергә планлаштырылган Җәмигъ мәчетен проектлау җир кишәрлеген рәсмиләштерү аркасында башланмаган әле. Бу турыда республиканың төзелеш, архитектура һәм торак-коммуналь хуҗалык министры Марат Айзатуллин Татарстанда төзелеш тармагын үстерү турындагы матбугат конференциясендә хәбәр итте.
«Проектлау әле башланмаган, чөнки әлегә җир кишәрлеген рәсмиләштерү мәсьәләсе бара. Бу участокның кырыенда «Казан» гаилә үзәге ягыннан да, Декабристлар ягыннан да яңгыр суларын җыя торган дренаж уза. Шуңа күрә проектлауны без бу чик буйлап башлыйбыз, барысы да матур булсын өчен аны җир астына күчерергә кирәк», - диде министр.
Искәртик, Җәмигъ мәчетен элеккеге «Кырлай» аттракционнары паркы территориясендә төзергә җыеналар, ул якынча 10 мең кеше кабул итә алачак. Мәчетнең нигезенә беренче таш 20 майда салынган иде. Тантанада Татарстан Президенты Рөстәм Миңнеханов, республика мөфтие Камил Сәмигуллин, РФ мөселманнары Диния нәзарәте һәм Россия Мөфтиләр шурасы башлыгы Равил Гайнетдин, мөселманнарның Үзәк Диния нәзарәте рәисе Тәлгать Таҗетдин һәм башка мөхтәрәм кунаклар катнашты.
8 июльдә Казанда Җәмигъ мәчетенең эскиз проектлары халыкара конкурсына йомгак ясалды. Беренче урынны Айвар Саттаров (Казан) һәм «Гинзбург Архитектс» (Мәскәү) проектлары бүлеште.
Кызыклы яңалыкларны күзәтеп бару өчен Телеграм-каналга язылыгыз