Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мамадыш районында кукуруздан рекордлы күләмдә уңыш алалар
Кырларда бер гектардан 104 центнер уңыш чыккан.
(Казан, 31 октябрь, «Татар-информ»). Мамадышта Рифат Мотыйгуллин җәмгыяте быел кукуруз уңышы буенча рекорд куя. Бүген аның кырларында гектардан 104 центнер уңыш җыеп алалар. Бу хакта «Нократ» газетасы яза.
Хәзерге вакытта «Нократ» бүлекчәсе кырларында комбайннар эшли. Монда кукурузның Ромвель, Родригес, Демогрин сортлары чәчелгән — алар барысы да гибридлар. Чәчү материалын «ТатАгрохимсервис» бирә.
«Продпрограмма» агросәнәгать комплексы берничә ел әлеге җәмгыять белән хезмәттәшлек итә. Аларның киңәшләре буенча, кырларның уңдырышлылыгын арттыру, үсемлекләрне чүп үләннәреннән һәм корткыч бөҗәкләрдән саклау буенча чаралар үткәрелә.
Бүлекнең баш агрономы Иван Афанасьев сөйләгәнчә, кукурузны 1,8 мең гектардан артык мәйданда үстергәннәр, 500 гектардан алынганын силоска салганнар. 12 октябрьдән бөртеккә кукуруз суктыру башланды. Техника һәм кешеләр 12 сәгать — иртәнге алтыдан кичке алтыга кадәр эшли.
«Уңыш бик яхшы. Мең ярым тонна бөртек суктырган көннәр дә булды. Хәзер 700-800 тонна чыга», — диде баш агроном.
Кызыклы яңалыкларны күзәтеп бару өчен Телеграм-каналга язылыгыз