Баулы терлекләренә котыру авырыуннан прививка ясату бушлай

Баулы дәүләт ветеринария берләшмәсе баулыларны йорт хайваннарына, шул исәптән этләр һәм песиләргә котыру авыруына каршы вакцина ясатырга өнди.

(Баулы, 29 октябрь, "Татар-информ", "Хезмәткә дан"). Баулы терлекләренә котыру авырыуннан прививка ясату бушлай, дип яза җирле басма.

Шушы көннәрдә Татарстанның Әгерҗе районында ике торак пунктта терлекләрдә котыру авыруы буенча карантин игълан ителгән.

Баулы дәүләт ветеринария берләшмәсе баулыларны йорт хайваннарына, шул исәптән этләр һәм песиләргә котыру авыруына каршы вакцина ясатырга өнди. Прививка ясату бушлай. Шулай ук шушы көннәрдә район авылларында сезонлы профилактик чаралар уздырыла: бруцеллёз, лейкозга кан алу, туберкулёз авыруын тикшерү, Себер түләмәсенә һәм эмкар авыруына каршы вакцина ясау бара.