Әлки районында бушлай салам өләшәләр

Саламны авылларга якын кырлардан алырга була, рөхсәт сорарга кирәкми.

(Әлки, 29 июль, «Татар-информ», «Әлки хәбәрләре»). Әлки районында бушлай салам өләшәләр.

Җәен явым-төшемнәр аз булу сәбәпле, авыл халкына терлек азыгы хәзерләү авырга туры килә.Шуны да истә тотып, хуҗалыклар, авыл җирлекләре җитәкчеләре соравы буенча, урак барышында саламны халык өчен комбайн белән ваклатмыйча калдыралар.

Саламны авылларга якын кырлардан алырга була. Моның өчен түләргә дә, рөхсәт сорап йөрергә дә кирәкми.

Авыл халкыннан үз хаҗәтенә кирәк кадәр саламны тизрәк алуларын сорыйлар. Хуҗалыкларга ул кырларны саламнан арындырып, көзге эшкәртүне башлау зарур.