Казанда узган көзге ярминкәләргә 55 миллион сумлык продукция китерелгән

Казан районнарында авыл хуҗалыгы ярминкәләре узды
(Казан, 28 сентябрь, “Татар–информ”). Узган шимбәдә Казанда авыл хуҗалыгы ярминкәләре үтте. Көзге ярминкәләргә 55 миллион сумлык продукция китерелде.
Шул исәптән республиканың төрле районнары авыл хуҗалыгы җитештерүчеләре Казанга 14 миллион сумлык 2,1 мең тонна яшелчә, 15 миллион сумлык 100 тоннадан артык ит продукциясе, 3,7 миллион сумлык 73 тоннадан артык сөт һәм сөт продукциясе һәм башка тауарлар алып килде, дип хәбәр итә ТР Авыл хуҗалыгы һәм азык–төлек министрлыгының матбугат хезмәте.