Татарстан белгечләре саламны силослау технологиясен эшләде

Корылык шартларында салам алыштыргысыз терлек азыгына әверелергә мөмкин

(Казан, 27 июль, «Татар-информ», Ирина Игнатьева). Татарстан белгечләре саламны силослау технологиясен эшләде. Корылык шартларында салам алыштыргысыз терлек азыгына әверелергә мөмкин. Моның өчен аны силос траншеяларына дөрес итеп салырга гына кирәк. Бу хакта “Татар-информ” агентлыгына “Россия авыл хуҗалыгы үзәге” федераль дәүләт учреждениесенең ТР буенча филиалының технология-аналитик лаборатория мөдире, биология фәннәре кандидаты Равилә Шурхно хәбәр итте.
“Россия авыл хуҗалыгы үзәге” федераль дәүләт учреждениесенең ТР буенча филиалы тарафыннан сусыл терлек азыгын силослау өчен ачыткы җитештерү җайга салынган. Быел галимнәр әлеге ачыткы нигезендә саламны силоска салу технологиясен эшләүне максат итеп куйды, чөнки саламда да терлекләр организмы өчен кыйммәтле матдәләр – полисахаридлар бар. Әмма алар салам эшкәртелгән очракта гына үзләштерелә.
Галимнәр эшләгән технология нигезендә, саламны силос траншеяларны салыр алдыннан аш тозы катнашындагы состав белән яхшылап дымландыралар. Аннары саламга бактериаль ачыткы өстиләр. Нәтиҗәдә, полисахаридлар целлюлоза һәм крахмалга кадәр таркала. Мондый азыкны терлекләр бик теләп ашый.