Балтачта алты яңа сөтчелек комплексы төзеләчәк

Алар 800-1100 башка исәпләнгән.

(Казан, 27 апрель, “Татар-информ”, Лилия Локманова). Балтач районында 6 яңа сөтчелек комплексы төзеләчәк. Бу хакта “Татар-информ” мәгълүмат агентлыгына районның авыл хуҗалыгы һәм азык-төлек идарәсе җитәкчесе Фирдәвес Нәбиуллин хәбәр итте.

“Райондагы 6 хуҗалык хәзерге вакытта комплекс төзеләчәк җирне рәсмиләштерү буенча эш алып бара. Комплекслар кимендә 800 башка, иң күбе 1100 башка исәпләнәчәк”, – диде идарә җитәкчесе.