Татарстанда агросәнәгать предприятиеләренең 779 хезмәткәре Covid-19дан прививка алган

Татарстанда көн саен 150дән артык прививка ясау пункты эшли.

(Казан, 25 май, «Татар-информ»).Татарстанда агросәнәгать комплексы предприятиеләренең 779 хезмәткәре Covid-19 коронавирусыннан вакцина алды. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.

«Агросәнәгать комплексының вакцинация узарга планлаштырган хезмәткәрләренең гомуми саны 2 553 кеше тәшкил итә», — дип хәбәр итә министрлык.

Татарстанда көн саен 150дән артык прививка ясау пункты эшли. Вакцинациягә РФ Дәүләт хезмәтләренең бердәм порталы һәм ТР Дәүләт һәм муниципаль хезмәтләр порталы аша, бердәм 122 номер буенча, Күп функцияле үзәктә һәм поликлиникаларның контакт телефоннары аша язылырга мөмкин.