Мөслимдә сөт узган елдагыдан 0,9 килограммга күбрәк савыла башлаган

Район буенча һәр сыердан уртача 9,4 килограм сөт савып алына.

(Казан, 25 февраль, “Татар-информ”, “Авыл утлары”). Авыл хуҗалыгы һәм азык-төлек идарәсеннән алынган мәгълүматларга караганда, Мөслимдә район буенча һәр сыердан уртача 9,4 килограм сөт савып алына, дип яза җирле басма.

Бу узган елның шул чорындагыдан 0,9 килограммга күбрәк. Малларны асрауда зооветеринария таләпләрен төгәл үтәгән, терлекләрне балансланган рацион нигезендә тукландырган “Туган як” агрофирмасында сыерларның продуктлылыгы 11,6 килограмм тәшкил итә. Габидуллина, Сәетгалиева, Шиһапов гаилә фермаларында һәр сыердан уртача 19,7-10,4 килограмм сөт савып алалар.