Түбән Кама районында Зәй шикәр заводы өчен 100 мең тонна татлы тамыразык үстергәннәр

Авыл хуҗалыгы җитештерүчеләре 1994 гектар мәйданда татлы культура үстергән.

(Казан, 23 октябрь, «Татар-информ»). Түбән Кама аграрчылары шикәр чөгендерен җыюны төгәлләде. 100 мең тонна шикәр чөгендере Зәй шикәр заводына җибәреләчәк. Бу хакта үзенең инстаграм битендә Альфред Нигъмәтҗанов хәбәр итте, диелгән Түбән Кама муниципаль районы рәсми сайтында.

«Уңыш яхшы, быел авыл хуҗалыгы җитештерүчеләре 1994 гектар мәйданда татлы культура үстерделәр, барлыгы 94 453 тонна татлы тамыр казылды, уртача уңдырышлылык — 473, 7 ц/га», — диде Түбән Кама муниципаль районы Башкарма комитеты башлыгы урынбасары.