Питрәч районы авылында, черү сәбәпле, бәрәңге ала башладылар

Түбән урыннардагы бакчаларда бәрәңге төбе белән черегән.

(Казан, 20 август, "Татар-информ", Гөлүзә Василова).  Питрәч районы Тау Иле авылында, черү сәбәпле, бәрәңге ала башладылар.

Быел июль уртасыннан август уртасына кадәр туктамыйча яуган яңгыр "үз эшен эшләде" - бәрәңге чери. Кайбер шәхси хуҗалыкларда икенче икмәк уңышын алырга керештеләр, хәтта алып бетерүчеләр дә бар.

Бөтенләй череп беткәнче хайван ашар дигән уй белән халык бакчага чыкты. Түбән урыннардагы бакчаларда бәрәңге төбе белән черегән. Югары очта яшәүчеләр дә бәрәңгенең ак гөмбәчекләр белән каплануын әйтә.