Баулыда туңга сөрү дәвам итә

Бүгенге көндә барлык мәйданның 53 проценты эшкәртелгән.

(Баулы, 19 сентябрь, "Татар-информ", "Хезмәткә дан", Кадрия Гыймазова). Баулы аграрийларының 37,4 мең гектар мәйданда туфракны төп эшкәртү эшен башкарып чыгасы бар. Бүгенге көндә барлык мәйданның 53 проценты эшкәртелгән, дип яза җирле басма.

Азык әзерләү эше дә дәвам итә. 18 сентябрьгә булган мәгълүматка караганда, районда азык бер баш шартлы терлеккә 20,9 центнер исәбеннән әзерләнгән. Бу республикадагы уртача күрсәткечтән югарырак.