Чүпрәледә урып-җыю эшләре тәмам

Иң югары уңыш “Цильна” җәмгыятендә

 (Казан, 15 сентябрь, “Татар-информ”). Чүпрәле районында урып-җыеласы барлык мәйданнарның 97 процентында эш төгәлләнде. Һәр гектардан чыккан уртача уңыш–21,9 центнер.

“Цильна”, “Шәйморза”, “Березка” җәмгыятьләрендә, “Ак Барс-Чүпрәле” агрофирмасында бөртекле-кузаклы культураларның уңышын җыю тулысынча төгәлләнде. Иң югары уңыш “Цильна” җәмгыятендә. Биредә һәр гектардан уртача уңыш 42,2 центнер уңыш җыеп алдылар.

Бүген район буенча 665 гектарда рапс һәм “Бикчуров” крестьян-фермер хуҗалыгында 914 гектар мәйданда бодай культуралары уңышын җыясы бар.

11738 гектар мәйданда чәчү үткәрелде. Бу көзен чәчелергә тиешле барлык мәйданнарның 90 проценты. Район буенча 11302 гектар мәйдандагы җирләр сөрелде, дип яза “Туган як” басмасы.