Авыл 13 июнь 2007 14:43

Алабуга районында терлек азыгы әзерләүгә керештеләр

Скопировать ссылку

(Алабуга, 13 июнь, “Татар-информ”, Гөлшат Солтанова). Сабантуй бәйрәме узу белән, Алабуга районы авыл хезмәтчәннәре терлек азыгы әзерләүгә кереште. “Колос”, “Яшь көч” һәм “Алабугаагрохимсервис” хуҗалыклары азык әзерләү эшенә беренчеләрдән булып тотынды.

Бүгенге көндә “Алабугаагрохимсервис” хуҗалыгында печән әзерләү кызу темпларда алып барыла, биредә 60 тонна печән әзерләнгән инде. Традицион терлек азыгыннан тыш, хуҗалыкта себерке һәм дару үләннәре әзерләүгә дә зур игътибар бирелә.

Авыл хуҗалыгы идарәсе мәгълүматларына караганда, район буенча барлыгы 60 мең тонна сенаж, 17 мең тонна силос һәм 450 тонна себерке әзерләнгән. Авыл хуҗалыгы хезмәтчәннәре алдында торган төп бурыч – сыйфатны югалтмыйча терлек азыгын вакытында әзерләп өлгертү.

Сәхифәләр

Алабуга районында терлек азыгы әзерләүгә керештеләр