Авыл товар җитештерүчеләре 15 мең тоннадан артык дизель ягулыгы сатып алган

Язгы кыр эшләре үткәрүгә һәм терлек азыгы әзерләүгә ТР районнарына 70 мең тонна ягулык-майлау материаллары бүлеп бирелгән

  (Казан, 10 апрель, «Татар-информ», Ирина Игнатьева). Татарстанның авыл товар җитештерүчеләре 15 мең тоннадан дизель ягулыгы сатып алган. Гомумән, язгы кыр эшләре үткәрүгә һәм терлек азыгы әзерләүгә ТР районнарына 70 мең тонна ягулык-майлау материаллары бүлеп бирелгән. Бу хакта “Татар-информ” агентлыгы хәбәрчесенә ТР Авыл хуҗалыгы һәм азык-төлек министрлыгының инженер-техник тәэмин итү бүлеге башлыгы урынбасары Ренат Гаттиятов белдерде.
Агросәнәгать комплексы предприятиеләре ягулык-майлау материалларын март, апрель һәм май айларында алыначак.
Авыл товар җитештерүчеләре дизель ягулыгын ташламалы бәядән килограммын 31 сумнан алуын да билгеләп үтәргә кирәк, ә базар бәясе 36,3 сум тәшкил итә.