Мөслимдә яңа техникалар сатып алырга планлаштыралар

Узган ел техник коралланыш өчен генә дә 700 млн сум финанс чыгымнары сарыф ителгән иде.

(Мөслим, 10 март, "Татар-информ",  "Авыл утлары").“Август-Мөслим” агрофирмасы быел да югары җитештерүчән яңа техникалар сатып алырга планлаштыра. Бу турыда район басмасы хәбәр итә.

Агрофирма бөртекле культуралар чәчү өчен алым киңлеге 12 метр булган “Амазоне ДМС” чәчкече сатып алганнар. Өч комплект “Барго” чәчкече алу планлаштырыла.

Бер үк вакытта агрофирманың элеккеге Авыл хуҗалыгы берләшмәсе территориясендә урнашкан базасын реконструкцияләү эшләре бара. Бу максатта 30 млн сум күләмендә финанс чыгымы кулланылачак.

Узган ел техник коралланыш өчен генә дә 700 миллион сум финанс чыгымнары сарыф ителгән иде.