Татарстанда кукурузны силоска салу дәвам итә

Бу эштә республиканың Арча, Әлки, Алексеевски, Яшел Үзән, Актаныш һәм башка районнары хезмәтчәннәре өлгерлек күрсәтә
(Казан, 8 октябрь, “Татар–информ”, Ирина Игнатьева). Бүгенге көндә Татарстанда алдагы кышка 1 миллион 546,4 мең тонна терлек азыгы әзерләнгән, узган ел бу чорда ул 1 миллион 681,9 мең тонна тәшкил иткән иде. Бу хакта “Татар–информ” агентлыгына ТР Авыл хуҗалыгы һәм азык–төлек министрлыгыннан хәбәр иттеләр.
Бер сыерга 23,8 центнер (узган ел – 25,8) терлек азыгы әзерләнгән. Бу эштә Арча районы хезмәтчәннәре әйдәп бара, алар бер сыерга 37 центнер терлек азыгы әзерләгән. Әлки районында бу күрсәткеч – 35,6, Алексеевски районында – 30,3, Минзәлә районында – 30,1, Кукмара районында – 28,4, Актаныш районында 28 центнер тәшкил итә.
Бу көннәрдә кызу темплар белән кукурузны силоска салу эшләре бара. Арча районында – 289,6 мең тонна, Әлки районында – 260 мең, Алексеевски районында – 182,7 мең, Яшел Үзән районында – 107,2 мең, Актаныш районында 106 мең тонна силос әзерләнгән.