ТР Баулы районы укучылары теплицада беренче кыяр уңышын җыеп алды

Ел саен диярлек мәктәп теплицасында 100 кг чамасы яшелчә үстерелә

  (Казан, 8 апрель, «Татар-информ»). ТР Баулы районы укучылары теплицада беренче кыяр уңышын җыеп алды. Ел саен диярлек мәктәп теплицасыннан 100 кг чамасы яшелчә үстерелә.

Яшь бакчачылар кыярның берьюлы өч сортын үстергән. Теплицада шулай ук укроп һәм суган кыяклары да кояшка үрелә.

Мәктәп директоры Илшат Хәлиуллин үз акчасына (17 мең сум) поликарбонат сатып алган һәм аны белән теплицаны тышлаганнар. И.Хәлиуллинга укытучылар һәм мәктәпнең техник хезмәткәрләре дә ярдәм итә, дип яза  “Хезмәткә дан” район газетасы.