Баулы районында җитмеш гектарда көнбагыш суктырганнар

Районда рапсның уртача уңышы республикада иң югарысы.

(Баулы, 4 октябрь, "Татар-информ", "Баулы-информ"). Байлы районының “Бәкер” крестьян-фермерлык хуҗалыгында көнбагыш суктыруга керешкәннәр. 1 октябрьгә булган мәгълүматка караганда, 70 гектарда көнбагыш җыеп алынган, уртача уңыш гектарыннан 25 центнер тәшкил итә. Бу турыда район басмасы хәбәр итә.

Көнбагыш районда барлыгы 1375 гектар мәйданда үстерелгән. 300 гектарга тагын бер май культурасы – рапс чәчелгән булган. Аның 83 проценты урып-җыелган. Районда әлеге культураның уртача уңышы республикада иң югарысы – гектарыннан 24,1 центнер.