Механизаторлар көзге чәчүне 10 сентябрьгә төгәлләү нияте белән эшли

Әлки районында арыш чәчү инде төгәлләнгән

  (Казан, 4 сентябрь, “Татар-информ”). Механизаторлар көзге чәчүне 10 сентябрьгә төгәлләү нияте белән эшлиләр.

Әлки районында арыш чәчү инде төгәлләнгән. 23 мең 400 гектарда планлаштырылган уҗым бодаеның да яртысы чәчелгән. Чәчү эшләрендә хәзер 30 агрегат хезмәт куя. “Үргәгар”, “Чаллы”, “Әхмәт”, “Ташбилге” отрядларында көзге чәчү эшләренең 80 проценттан артыгы башкарылган. “Хузангай” кооперативында да бу эш уңышлы бара– биредә тәүлегенә уртача 600 гектарда чәчү үткәрәләр, дип белдерә “Әлки хәбәрләре” газетасы.