ТР Авыл хуҗалыгы һәм азык-төлек министрлыгы терлекләрнең баш санын арттырырга ниятли

Бу мәсьәлә министрлык һәм аның структура бүлекләре белгечләре контролендә
(Казан, 3 июнь, «Татар-информ»). ТР Авыл хуҗалыгы һәм азык-төлек министрлыгы мөгезле эре терлекләр һәм дуңгызларның баш санын арттырырга ниятли. Хәзер Бу мәсьәлә министрлык һәм аның структура бүлекләре белгечләре контролендә тора, дип хәбәр итә министрлыкның матбугат хезмәте.
ТР Авыл хуҗалыгы һәм азык-төлек министрлыгы 2009 елга каралган терлекчелек продукциясен җитештерү, мөгезле эре терлекләр һәм дуңгызларның баш санын арттыруга юнәлдерелгән Дәүләт программасын гамәлгә кую буенча эшләр алып бара. Моның белән бәйле рәвештә, ТР авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов башка җаваплы затлар белән Татарстан районнарына китте.